დუშეთის რაიონში 12 წლის გოგონა დაიხრჩო  დუშეთის რაიონის სოფელ თხილიანში ადიდებულ მდინარეში 12 წლის გოგონა დაიხრჩო . ის მდინარის პირას, ხიდთან სხვა ბავშვებთან ერთად თამაშობდა, როდესაც ფეხი დაუცდა და არაგვში ჩავარდა. დუშეთის რაიონის გამგებლის, ლაშა ჯანაშვილის ინფორმაციით, მაშველები ცხედარს ამ წუთებშიც ეძებენ. გარდაცვლილი გოგონას ვინაობა ამ დროისათვის არ კონკრეტდება. რიკოთის უღელტეხილზე პრემიერ-მინისტრს ელოდებიან  რიკოთის უღელტეხილზე პრემიერ-მინისტრ ნიკა გილაურს ელოდებიან, - ამის შესახებ "ინტერპრესნიუსს" პრემიერ-მინისტრის პრესსამსახურის უფროსმა ნიკო მჭედლიშვილმა განუცხადა . მისი თქმით, იგეგმება საგანგებო თათბირის ჩატარება, სადაც პრემიერი მთავრობის წევრებთან და სპეციალისტებთან ერთად სტიქიის სალიკვიდაციო სამუშაოებზე იმსჯელებს. ძლიერი წვიმის გამო რიკოთის შემოვლით გზაზე გუშინ მიწა ჩამოიშალა, რის შედეგადაც რესტორან "რიკოთის" ოთხი თანამშრომელი დაიღუპა, ორს კი ამ დრომდე ეძებენ. გზაზე გადაადგილება შეფერხებულია. სტიქიამ დუშეთის რაიონში ბუნებრივი აირის მაგისტრალური მილსადენი დააზიანა  კოკისპირული წვიმების შედეგად მთიულეთში, დუშეთის რაიონის სოფელ მუგუდასთან ხევი ადიდდა. წყალმა ბუნებრივი აირის მაგისტრალური მილსადენი დააზიანა . როგორ მცხეთა-მთიანეთის საინფორმაციო ცენტრს სოფელ ხამუშას მკვიდრმა ილო გვრიტიშვილმა განუცხადა, მილსადენი გვიან ღამით დაზიანდა. "ღამით ძლიერი წვიმა იყო. მთიდან წამოსულმა წყალმა მილსადენს მიწა გამოაცალა და ქვა-ღორღი მილს შეასკდა. მთიდან ქვა-ღორღი იმიტომ მოდის, რომ ტყე გაჩეხილია და ვერ აკავებს", - აღნიშნა ილო გვრიტიშვილმა. ხევი ამ დროისთვისაც ადიდებულია. მცხეთა-მთიანეთის საინფორმაციო ცენტრის ცნობით, მილსადენის დაზიანების ადგილზე არანაირი სამუშაოები არ მიმდინარეობს. საბერძნეთის პრემიერი რეფერენდუმის ჩატარებას ითხოვს  საბერძნეთის პრემიერ-მინისტრმა იორგოს პაპანდრეუმ, ქვეყნის კონსტიტუციაში ცვლილების შესატანად, მიმდინარე წლის შემოდგომაზე, რეფერენდუმის ჩატარების აუცილებლობის შესახებ განაცხადა , - ამის შესახებ "ნიუსლენდი" იუწყება. პრემიერ-მინისტრის თქმით, ცვლილების მიზანია, საბერძნეთში პოლიტიკური სისტემის მოდერნიზაცია მისი ეფექტურობის ამაღლების მიზნით. თუმცა, მას არ დაუსახელებია, რა კონკრეტული ცვლილებები იგეგმება. საბერძნეთი დღეიასთვის, ეკონომიკურთან ერთად, პოლიტიკურ კრიზისსაც განიცდის, რის გამოც, შესაძლოა, საბერძნეთისთვის კრედიტების გამოყოფის შესახებ საერთაშორისო საფინანსო ორგანიზაციებთან და ევროკავშირთან არსებული შეთანხმებები გაუქმდეს. "ჯეოსელი~ შესაძლო შეფერხების შესახებ განცხადებას ავრცელებს  ფიჭური კავშირგაბმულობის კომპანია "ჯეოსელი" საკუთარი აბონენტებისთვის განცხადებას ავრცელებს . მასში ნათქვამია, რომ ელექტრონული საკომუნიკაციო ქსელების ნუმერაციის ეროვნული სისტემის ცვლილებიდან გამომდინარე, 19-20 ივნისს ~ჯეოსელის~ ქსელმა შესაძლოა შეფერხებით იმუშაოს. მობილური ელექტრონული საკომუნიკაციო კავშირის ქსელების ნუმერაცია ხვალიდან იცვლება. კომუნიკაციების ეროვნული კომისიის ინფორმაციით, ელექტრონული საკომუნიკაციო ქსელების ნუმერაციის ეროვნული სისტემის დებულების შესაბამისად მობილურ სააბონენტო ნომერს პირველ ციფრად ემატება - 5. მაგალითად, სააბონენტო ნომერი 877-XX-XX-XX გახდება 577-XX-XX-XX. მობილურ ქსელებში სატელეფონო ზარის შესრულებისას (მაგთიკომი, ჯეოსელი, მობიტელი) აბონენტმა უნდა აკრიფოს ციფრების კომბინაცია 577-XX-XX-XX. ამასთან, ფიქსირებული სატელეფონო ნომრიდან მობილურ ქსელში დასარეკად აბონენტმა უნდა გამოიყენოს ციფრების კომბინაცია 8-577- XX-XX-XX. თბილისში წყალმომარაგების აღდგენა ეტაპობრივად მიმდინარეობს  თბილისში წყალმომარაგების აღდგენა ეტაპობრივად მიმდინარეობს . როგორც "ინტერპრესნიუსს" "ჯორჯიან უოთერ ენდ ფაუერიდან" აცნობეს, წყალმომარაგება ამ დროისთვის აღდგენილია გლდანის ა, I, II, და IV მიკრორაიონებში, ასევე III მიკრორაიონის ნაწილში. დაახლოებით ერთ საათში წყალი ექნება გლდანის V, VI და VII მიკრორაიონების მოსახლეობასაც. კომპანიის ინფორმაციით, ნაწილობრივ ჩართულია ღრმაღელეც. საჭირო ოთხი აგრეგატიდან სამი უკვე მუშაობს. ღრმაღელის სრული დატვირთვის შემდეგ კი წყლის მიწოდება მუხიანის, თემქისა და ავლაბრის მოსახლეობასაც აღუდგება. როგორც კომპანიაში აცხადებენ, ამ დროისთვის წყალი უკვე მიეწოდება ნაძალადევის რაიონსაც. დედაქალაქის წყალმომარაგებაში პრობლემები გახშირებულმა წვიმებმა და ამის შედეგად ადიდებულმა მდინარეებმა შექმნა. სამეგრელოში ხვალ ედპ-ის კონფერენცია გაიმართება  "ეროვნულ-დემოკრატიული პარტია" ხვალ ზუგდიდში კონფერენციას გამართავს . ღონისძიება კინოთეატრ "ატრიუმში" ჩატარდება, რომელშიც მონაწილეობას მიიღებენ პარტიის ლიდერი ბაჩუკი ქარდავა, პარლამენტის წევრი გურამ ჩახვაძე, ედპ-ის პოლიტიკური მდივანი გოგა გოგნიაშვილი და პარტიის სამეგრელოს რაიონული და ზუგდიდის საქალაქო ორგანიზაციის 300 დელეგატი. პარტიის პრესსამსახურის ინფორმაციით, აღნიშნული კონფერენცია მიზნად ისახავს ედპ-ის პარტიული სტრუქტურების განახლებას, პარტიის წევრების მობილიზებას, სამომავლო პოლიტიკური გეგმებისა და რეგიონში პარტიის სამოქმედო სტრატეგიის განსაზღვრას. ონის რაიონის სოფელ ღარში ოკუპანტებმა ათი ადგილობრივი დააკავეს  ონის რაიონის სოფელ ღარში ოკუპანტებმა ათი ადგილობრივი მცხოვრები დააკავეს . როგორც "ინტერპრესნიუსს" ადგილობრივმა მოსახლეობამ აცნობა, დღეს სოფელ ღართან, საეკლესიო დღესასწაული საჯვარეობა აღინიშნება. ღარში მცხოვრები ათი ახალგაზრდა დღეს სალოცავთან მოსალოცად ავიდა, სადაც რუსული საოკუპაციო ჯარის ნაწილები დახვდათ. ოკუპანტებმა ახალგაზრდები დააკავეს. სოფელ ღარის მოსახლეობა მათი თანასოფლელების ადგილსამყოფელისა და მდგომარების შესახებ ინფორმაციას ამ დრომდე არ ფლობს. კონფერენციის შემდეგ პარტიის ლიდერები ზუგდიდის რაიონის სოფლების მოსახლეობას შეხვდებიან. შეხვედრებზე მოსახლეობა გაეცნობა პარტიის სამოქმედო გეგმებს და პოზიციას საარჩევნო პროცესებთან დაკავშირებით. |
