მსოფლიოს მასობრივი ინფორმაციის საშუალებები განიხილავენ პრეზიდენტ ბარაქ ობამას გამოსვლას ახლო აღმოსავლეთსა და ჩრდილოეთ აფრიკაში აშშ-ის ახალ პოლიტიკასთან დაკავშირებით.

"პრეზიდენტმა ობამამ განაცხადა, რომ საერთაშორისო საზოგადოებრიობა დაღალა მშვიდობიანი მოწესრიგების გაუთავებელმა უშედეგო პროცესმა. ობამამ თეთრ სახლში მისვლის შემდეგ პირველად მიანიშნა, რომ მისი ადმინისტრაციის კონცეფციის თანახმად, პალესტინელებს აქვთ უფლება, ჰქონდეთ საკუთარი სახელმწიფო იმ საზღვრების გათვალისწინებით, რომლებიც ჰქონდა ისრაელს 1967 წლის ექვსდღიან ომამამდე. 

ასეთი სახელმწიფოს შესაქმნელად ისრაელს მოუწევს საკუთარი ძალაუფლების დათმობა აღმოსავლეთ იერუსალიმის ნაწილში და იორდანეს დასავლეთ სანაპიროდან დასახლებების ევაკუირება. ობამამ მიუღებლად მიიჩნია ნეთანიაჰუს პოზიცია, რომლის თანახმად, ისრაელის ჯარი დასავლეთ სანაპიროზე ქვეყნის საზღვრების დასაცავად უნდა დარჩეს. 

გასულ კვირას საქართველოს ჭიდაობის ფედერაციამ გივი კარტოზიასა და ვახტანგ ბალავაძის სახელობის "ოქროს დიდი პრიზის" დროს მომხდარი ინციდენტისათვის ბერძნულ-რომაული სტილით მოჭიდავე გიორგი დათუნაშვილი (74კგ) სამწლიანი დისკვალიფიკაციით დასაჯა.

შემთხვევა ტურნირის მეოთხედფინალში, დათუნაშვილისა და ირანელი საიდ აბდვალის შეხვედრისას მას შემდეგ მოხდა, რაც ჩოქბჯენში მყოფ ქართველ მოჭიდავეს არბიტრმა ალეკო პატარქალიშვილმა თავში ხელი წამოარტყა (როგორც ამბობენ, მანამდე დათუნაშვილმა მსაჯს სიტყვიერი შეურაცხყოფა მიაყენა). დათუნაშვილმა მსაჯზე გაიწია, მას შემდეგ კი, რაც ამ უკანასკნელმა ხელი ჰკრა, არბიტრს ცხვირში მუშტი დაარტყა და სისხლი ადინა, რასაც რამდენიმეწუთიანი არეულობა მოჰყვა. 

როგორც უკვე აღვნიშნეთ, გიორგი დათუნაშვილი ჭიდაობიდან სამი წლით მოკვეთეს, ინციდენტმა კი დიდი მითქმა-მოთქმა გამოიწვია. მომხდართან დაკავშირებით "კვირის პალიტრის" რედაქციამ წერილი მიიღო, რომელსაც უცვლელად გთავაზობთ:  

მამა ვაცხოვე ზიდანის!

საფრანგეთის სარაგბო ჩემპიონატი კარგა ხანია დამთავრდა, სეზონის ნომინანტები  კი ფრანგებმა ახლახან გამოავლინეს. ამ ქვეყნის პირველობის სხვადასხვა ლიგაში არაერთი ქართველი მორაგბე თამაშობს, მაგრამ მამუკა გორგოძისდარი აღიარებით, ჯერჯერობით, ვერც ერთი ვერ დაიკვეხნის - ფრანგულმა გაზეთმა "ეკიპმა" "გორგოძილა" (ასე მოიხსენიებენ ფრანგები საქართველოს ნაკრების მესამეხაზელს. - ავტ.) საფრანგეთის ჩემპიონატის საუკეთესო უცხოელ მორაგბედ დაასახელა! 

გორგოძეს მართლაც შთამბეჭდავი სეზონი ჰქონდა და "მონპელიე" არსებობის ისტორიაში პირველად რომ გავიდა თოპ-14-ის ფინალში, დიდწილად სწორედ  ქართველი გოლიათის დამსახურებაა, მაგრამ ამ აღიარებამ მაინც სასიამოვნოდ გაგვაოცა. ევროპის ერთ-ერთ უძლიერეს ჩემპიონატში არაერთი ბრიტანელი, აფრიკელი, ზელანდიელი, არგენტინელი თუ სხვა ჯურის უძლიერესი მორაგბე ასპარეზობს. მაგალითისთვის ჯონი ვილკინსონის ან ფელიპე კონტეპომის დასახელებაც იკმარებდა და ამიტომაც გორგოძის საუკეთესო ლეგიონერად აღიარება კიდევ უფრო დასაფასებელია.

მხოლოდ ენთუზიაზმის ხარჯზე მოპოვებული გამარჯვება ქართველებს ნამდვილად არ გვიკვირს. თუმცა, ერთია, როცა მოჭიდავე ან მორაგბე მოუგებს თავისზე დალხენილ მეტოქეს და სხვა, როცა საქმე ისეთ სახეობას ეხება, სადაც ფინანსები და აღჭურვილობა უმნიშვნელოვანესია.

ივნისის დასაწყისში უკრაინის ქალაქ იალტაში გამართული პრესტიჟული ავტორბოლიდან ჩვენი მრბოლელები ამჯერადაც თავაწეული დაბრუნდნენ. თავის კლასში პირველობა არავის დაუთმო არჩილ ბიძინაშვილისა და გოგა არჯევანიძის ეკიპაჟმა, მევლუდ მელაძისა და სანდრო ლომაძის დუეტი კი საკუთარ კლასში მეხუთე პოზიციაზე გავიდა. ქართველი სპორტსმენები იალტაში საკუთარი ხარჯით და... ავტომანქანებით ჩავიდნენ, დანარჩენს კი გამარჯვებული ეკიპაჟის შტურმანი გოგა არჯევანიძე გვიამბობს:

- იალტაში IRC-ს (Intercontinental  Rally  Challenge) მეოთხე ეტაპი ჩატარდა. ეს არის ევროპის ჩემპიონატის უმაღლესი კატეგორია, რომელიც 14 ეტაპისაგან შედგება. იალტაში ევროპის ყველა სპორტულმა გუნდმა იასპარეზა და რბოლაში 21 ქვეყნის 102 ეკიპაჟი მონაწილეობდა. საქართველოდან ორი ეკიპაჟი ვიყავით: მე და არჩილ ბიძინაშვილი 2,0 ლიტრამდე მოცულობის, წინა წამყვანთვლიანი, უტურბინო ავტომანქანების კლასში ვმონაწილეობდით, მევლუდ მელაძე და სანდრო ლომაძე კი - 2,0 ლიტრი მოცულობის, ოთხივე წამყვანთვლიანი, ტურბინირებული ავტომობილების კლასში. ჩვენმა გუნდმა თავის კლასში პირველი ადგილი დაიკავა, საერთო ჩათვლაში კი 102 გუნდს შორის მე-14 ადგილზე გავედით. მევლუდმა და სანდრომ მეხუთე ადგილი დაიკავეს თავიანთ კლასში.

11 ივნისს ფარმაცევტულმა კომპანია "კამელინმა" გამართა კიდევ ერთი სამეცნიერო-ინფორმაციული კონფერენცია თემაზე "ჯანმრთელობა და კამელინი", ამჯერად ბათუმში, "შერატონ ბათუმი პალასში".

კონფერენცია გახსნა კომპანიის მენეჯერმა თამარ დოლიძემ, რომელმაც მოკლედ ისაუბრა პრეპარატის წარმოშობის ისტორიასა და პრეპარატის შემქმნელის, ქირურგის, ბატონ ბენედიქტ-ძაგული მაღლაკელიძის ღვაწლზე. ბიოლოგიის მეცნიერებათა დოქტორმა, კომპანია "კამელინის" დირექტორმა, სამეცნიერო პროექტების ხელმძღვანელმა კობა გურიელიძემ წარმოადგინა კლინიკურ-ექსპერიმენტული კვლევების შედეგები საზღვარგარეთის  უდიდეს სამეცნიერო და სამედიცინო ცენტრებში (მონრეალის, კვებეკის, ილიონისის, ბერნის, როსტოკის უნივერსიტეტებში), სადაც ნათლად დადასტურდა "კამელინის" უნიკალური იმუნომოდულატორული, ანტისიმსივნური, ანტიბაქტერიული, ანტივირუსული, ანთების საწინააღმდეგო, ანტიპარაზიტული (ლეიშმანიოზი, სალმონელოზი, ქლამიდიოზი, ამებიაზები) და სხვა თვისებები. 

"უშვილობის მიზეზთა შორის წინ მამაკაცის ფაქტორმა წამოიწია"

გაგიკვირდებათ და კვერცხუჯრედის ადამიანის ორგანიზმის მიღმა განაყოფიერების პირველი მცდელობა ამერიკელ მეცნიერებს ჯერ კიდევ 1944 წელს ჰქონდათ. პირველად კი ეს სამედიცინო ტექნოლოგია წარმატებით დიდ ბრიტანეთში 1977 წელს გამოიყენეს. საქართველოში და ზოგადად ამიერკავკასიაში პირველი სინჯარის ბავშვი 1999 წელს დაიბადა. 

წლების წინ, საზოგადოების ინფორმირების დონე ინ ვიტრო განაყოფიერების - IVF მეთოდის შესახებ საკმაოდ დაბალი იყო, დღეს ვითარება მნიშვნელოვნად არის შეცვლილი. 

მეთოდის არსში, ტექნოლოგიასა და მის შედეგებში გარკვევამ, ინ ვიტრო განაყოფიერებისა და რეპროდუქციული ჯანმრთელობის კლინიკა "ინ ვიტროში" პაციენტთა მიმართვიანობა მნიშვნელოვნად გაზარდა. ექიმები ფიქრობენ, რომ რაც უფრო მაღალი იქნება მოსახლეობის ინფორმირების დონე ამ მეთოდის შესახებ, მით უფრო დროულ და სწორ გადაწყვეტილებას მიიღებს ყოველი უშვილო წყვილი.

"ნათელი ფერები ბავშვებს" - "ბილაინის" სოციალური პასუხისმგებლობის აქცია გრძელდება. ამჯერად კომპანია "ბილაინმა" საქველმოქმედო აქცია ქალაქ მარნეულში, ბავშვთა სარეაბილიტაციო ცენტრ "მერცხალთან" ერთად წამოიწყო.


ტრადიციისამებრ, "ბილაინის" ახალი აქციის დაწყება მარნეულში კომპანიის ახალი მომსახურების ოფისის გახსნას დაემთხვა.
აქციის ფარგლებში, ერთი თვის განმავლობაში 15 ივნისიდან 15 ივლისის ჩათვლით, "ბილაინის" ნებისმიერი აბონენტი, რომელიც მარნეულში "ბილაინისგან" მობილურ ტელეფონს ან სასტარტო პაკეტს შეიძენს, საქველმოქმედო აქციის მონაწილე გახდება. 

საქველმოქმედო აქციის პირობების თანახმად, მობილური ტელეფონის ღირებულებიდან ერთი ლარი, ხოლო ნებისმიერი სასტარტო პაკეტიდან 50 თეთრი მარნეულში ბავშვთა სარეაბილიტაციო ცენტრის განვითარებას მოხმარდება. 

მარნეულში "ბილაინის" ახალი მომსახურების ოფისი კომპანიის გენერალურმა დირექტორმა ანდრეი პიატახინმა გახსნა და მარნეულის სკოლის წარჩინებული მოსწავლეები მობილური ტელეფონებით დააჯილდოვა. აღსანიშნავია, რომ "ბილაინის" მარნეულის ოფისში კიდევ 7 ადამიანი დასაქმდა, ხოლო ადგილობრივ მოსახლეობას უკვე ადგილზე მიუწვდება ხელი ყველაზე დინამიკურად განვითარებადი მობილური ოპერატორის მომსახურებაზე.  

"დემოკრატიის საბურველში გახვეული ბანდიტიზმი უნდა დასრულდეს"

"ხელისუფლება სოციალურ აფეთქებას ელოდება და თავს იზღვევს"

"26 მაისს დატრიალებული უბედურების თანამონაწილეები არიან ბაქრაძეც და თორდიაც"

როგორც "თავისუფალი დემოკრატების" წევრი გიორგი ცაგარეიშვილი ამბობს, აქვს ინფორმაცია, რომ 36 პატიმარს აიძულებენ, ჩვენებები მისცენ ე. წ. შეთქმულებასთან, სახელმწიფო გადატრიალებასა და ბურჯანაძის ესკორტთან დაკავშირებულ ეპიზოდზე. ცაგარეიშვილმა პარლამენტის თავმჯდომარე დავით ბაქრაძეს იზოლატორში მყოფი პატიმრების მონახულების თხოვნით მიმართა, რაზეც დადებითი პასუხი ვერ მიიღო. ვინ არიან ეს პატიმრები და რა ინფორმაცია აქვს მათზე გიორგი ცაგარეიშვილს, ინტერვიუდან შეიტყობთ:

"ჩვენი მწარე გამოცდილებით ვამბობ, რომ შემოსავლების სამსახური, სამწუხაროდ, სადამსჯელო ორგანიზაციად აღიქმება"

"გამოსავალი აღარ დაგვრჩა, ან არსებობა უნდა შეგვეწყვიტა, ან ტელევიზია აუქციონზე გაგვეტანა"

მედიაჰოლდინგ "პალიტრაში" შემოსავლების სამსახურის შესვლა საქართველოს თითქმის ყველა მედიასაშუალებამ გააპროტესტა, თუ არ ჩავთვლით თითო-ოროლა გაზეთს, რომელმაც მხოლოდ ეჭვის გამო შეშფოთების გამოხატვა საჭიროდ არ მიიჩნია. რატომ არის საქართველოში "ეჭვიანი" მედია და არის თუ არა თავისუფალი პოლიტიკური ზეწოლისგან, ამ თემაზე "კვირის პალიტრას" "25-ე არხის" დირექტორი მერაბ მერკვილაძე ესაუბრა (შეგახსენებთ, რომ აჭარაში ამ ტელევიზიას ერთ-ერთმა საკაბელო არხმა მაუწყებლობა დროებით შეუჩერა, რაც "რატომღაც" 26 მაისის მოვლენების გაშუქებას  დაემთხვა). 

- 26 მაისს, ღამით, ჩვენი ტელევიზია ეთერით "მაესტროს" პირდაპირ ტრანსლაციას გადასცემდა. პარალელურად, ჩვენი გადამღები ჯგუფი მუშაობდა რუსთაველის პროსპექტზე. თავდაპირველად პრობლემა არ შეგვქმნია, მაგრამ როგორც კი ჩვენი გადაღებული მასალა გავავრცელეთ, ერთ-ერთ საკაბელო არხზე მაუწყებლობა გაგვითიშეს. ვფიქრობ, მავანთა გაღიზიანება გამოიწვია ნინო ბურჯანაძის ესკორტის გასვლის ვიდეოფირმა, რომელმაც ეჭვქვეშ დააყენა შსს-ს ვერსია, რომ ბურჯანაძის მანქანამ პოლიციელს მიზანმიმართულად გადაუარა.