გუშინ 20-წლიან მოჭადრაკეთა საქართველოს პირველობაზე, რომელსაც ქუთაისი მასპინძლობს, მე-6 ტურის პარტიები გათამაშდა. ვაჟებში ერთპიროვნული ლიდერობა შეინარჩუნა დავით ბენიძემ, რომელიც შავი ფიგურებით ბექა ახალაძეს დაუზავდა. მეორე ადგილზე მყოფმა ირაკლი ჯანიაშვილმა თეთრებით ტატო ქოჩაკიძესთან წააგო და ახლა მასთან ერთად მესამე-მეოთხე ადგილებს ინაწილებს, მეორე ადგილზე კი ლეონტი ხუბუნაიას მძლეველმა დავით ლომსაძემ გადაინაცვლა.

ვაჟთა ტურნირის დანარჩენი პარტიები ასე დამთავრდა: დაზავდნენ - მამუკა ქოჩაკიძე-ნინო ხომერიკი, მერაბ ცომაია-გიორგი სიბაშვილი, არჩილ სვანიძე-ნოე თუთისანი, ნიკოლოზ ბერძენაძე-ლევან ნემსაძე; დათო კაპანაძე-გიორგი ცხადაძე 0:1.

დღეს ერთმანეთს დაუპირისპირდებიან: ბენიძე (5)-ცომაია (3,5), ლომსაძე (4,5)-ქოჩაკიძე (4), ჯანიაშვილი (4)-მ. ქოჩაკიძე (3,5), ხომერიკი (3,5)-ახალაძე (3,5), ცხადაძე (3)-ხუბუნაია (3), სიბაშვილი (3)-სვანიძე (2,5), შარიქაძე (1,5)-ნემსაძე (2), კაპანაძე (2)-ბერძენაძე (2), თუთისანი (2,5) ისვენებს.

გოგონებს ორი ლიდერი ჰყავთ -ქეთი წაწალაშვილი და მერი არაბიძე. გუშინ ქეთიმ ანა შამათავას აჯობა, მერიმ კი დეა ჩაკვეტაძე დაამარცხა. დანარჩენი პარტიები: ადა ქაქუთია-სალომე ხაჟომია 0,5:0,5, სოფო ხუციძე-თათია კოხრეიძე 1:0, მარიამ ჭოლაძე-მარიამ წულაია 1:0, თათია კიკვიძე-თეკლა ფარჯიანი 0:1, მარიამ მჟავია-ანა თედოშვილი 0:1.

მე-7 ტურში ითამაშებენ: წაწალაშვილი (5)-ქაქუთია (3,5), არაბიძე (5)-ჭოლაძე (3), შამათავა (4)-ხაჟომია (4), ხუციძე (3,5)-კიკვიძე (0,5), ფარჯიანი (3)-ჩაკვეტაძე (2,5), კოხრეიძე (2)-თედოშვილი (2,5), წულაია (2)-მჟავია (1,5).

ყოველდღიური სპორტული გაზეთი "ლელო"